لاہور: پنجاب حکومت نے عوام کو ان کی دہلیز پر سہولتیں فراہم کرنے کے لیے بڑا اقدام اٹھاتے ہوئے گاڑیوں کی رجسٹریشن کیلئے بائیو میٹرک نظام متعارف کرانے کی منظوری دے دی۔
تفصیلات کے مطابق وزیراعلیٰ پنجاب عثمان بزدار کی زیر صدارت اعلی سطح اجلاس ہوا، جس میں پنجاب حکومت نے عوام کو ان کی دہلیز پرسہولتیں فراہم کرنے کے لیے بڑا اقدام اٹھاتے ہوئے گاڑیوں کی رجسٹریشن کیلئے بائیو میٹرک نظام متعارف کرانے کی منظوری دے دی۔
جس کے تحت ٹرانسفرآرڈر فارم کی بجائے بائیو میٹرک تصدیق سےگاڑیوں کی رجسٹریشن ہوسکےگی جبکہ پنجاب موٹر وہیکلز رولز1969میں ضروری ترامیم کی جائیں گی۔
وزیراعلیٰ پنجاب عثمان بزدار نے کہا کہ شہری کومحکمہ ایکسائز وٹیکسیشن کےدفاترکےچکرلگانےسےنجات ملےگی، گاڑیوں کی رجسٹریشن کے نظام کو جدید تقاضوں سے ہم آہنگ کررہے ہیں، شہری نادرااورایکسائزدفاتر میں بائیو میٹرک تصدیق سےرجسٹریشن کراسکیں گے۔
عثمان بزدار کا کہنا تھا کہ گاڑیوں کےبااختیار ڈیلرز کےشوروم پربھی بائیو میٹرک تصدیق ہوسکےگی، گھر میں موبائل فون سےبائیو میٹرک تصدیق کے عمل کا جائزہ لیا جائے۔
انھوں نے مزید کہا گاڑیوں کی نمبر پلیٹس کےاجراکےعمل کومزید تیز کیا جائے، نمبر پلیٹس نہ ملنے سےمشکلات کاسامنا ہے،مسئلہ جلد حل کرنا چاہتا ہوں، نمبرپلیٹس کے اجرامیں بہت تاخیر ہوچکی،اب کوئی گنجائش نہیں۔
