لاہور : پنجاب حکومت کی جانب سے اتحادی جماعت کے وزیر کا قلمدان تبدیل کئے جانے کا امکان ہے، وزیر ماحولیات باؤ رضوان کو اسموگ کے دوران ناقص کارکردگی پر تنقید کا سامنا ہے۔
تفصیلات کے مطابق پنجاب حکومت نے کچھ وزرا کے قلمدان تبدیل کرنے پر غور شروع کردیا ، اتحادی جماعت کے وزیر کا قلمدان تبدیل کئے جانے کا امکان ہے۔
ذرائع کا کہنا ہے کہ باؤ رضوان سے وزیر ماحولیات کا قلمدان واپس لینے کا امکان ہے ، باؤ رضوان کو اسموگ کے دوران ناقص کارکردگی پر تنقید کا سامنا ہے۔
ذرائع کے مطابق باؤ رضوان بلدیاتی الیکشن میں اختلاف رائے پر کابینہ اجلاس سے چلے گئے تھے، وزیر اعظم پنجاب میں متحرک وزیر کو یہ ذمہ داری دینا چاہتے ہیں۔
ذرائع کا کہنا تھا کہ باؤ رضوان کی وزارت میں تبدیلی ق لیگ کو اعتماد میں لیا جائے گا۔
ذرائع نے بتایا کہ وزیر خوراک کے حوالے سے بھی متعدد ناموں پر غور کیا جارہا ہے ، علیم خان کے مستعفی ہونے کے بعد وزارت پر تقرر ہوناباقی ہے۔
