The news is by your side.

Advertisement

سرکاری محکموں میں نوکری کے خواہشمند افراد کیلئے بڑی خبر

لاہور : پنجاب حکومت نے سرکاری محکموں میں گریڈ 1تا15 کی خالی آسامیوں پربھرتی کا فیصلہ کرلیا اور بھرتیوں پر شفافیت اور میرٹ یقینی بنانے کیلئے ہدایات جاری کردیں۔

تفصیلات کے مطابق پنجاب حکومت نے سرکاری محکموں میں خالی آسامیوں پربھرتی کا فیصلہ کرلیا ، محکموں میں گریڈ 1تا15میرٹ کی بنیادپربھرتیاں کی جائیں گی۔

اس حوالے سے چیف سیکرٹری پنجاب نے شفافیت اورمیرٹ یقینی بنانےکیلئےہدایات جاری کر دیں ، جس میں کہا ہے کہ یقینی بنایا جائے بھرتیاں میرٹ پر ہوں، کسی کی حق تلفی نہیں ہونی چاہئے۔

چیف سیکرٹری کا کہنا تھا کہ محکموں میں تقرر وتبادلےسوچ سمجھ کراورکارکردگی کی بنیاد پرکئےجائیں، افرادی قوت کی کمی پورا کرنے سے محکموں کی کارکردگی میں بہتری آئے گی۔

یاد رہےاگست میں وزیراعظم عمران خان نے سرکاری اداروں سے وابستہ تمام ملازمین کے سوشل میڈیا استعمال پر پابندی عائد کردی تھی اور کہا تھا کہ سرکاری معلومات اور دستاویزات افشا ہونے سے روکنے کیلئے یہ قدم اٹھایا گیا ہے۔

حکم نامے میں کہا گیاتھ کہ سرکاری ملازم بغیر اجازت میڈیا پلیٹ فارم استعمال نہیں کرسکتا۔

Comments

یہ بھی پڑھیں