ملتان: جنوبی پنجاب کے کئی وفاقی و صوبائی محکمے بجلی کی ترسیل کے ادارے میپکو کے نادہندہ نکلے، محکموں کی طرف کروڑوں روپے کی رقم نکلتی ہے۔

تفصیلات کے مطابق جنوبی پنجاب کے 45 وفاقی و صوبائی محکمے ملتان الیکٹرک پاور کمپنی (میپکو) کے 3 ارب روپے کے نادہندہ نکلے، میپکو نے تمام نادہندگان کو ادائیگیوں کے لیے حتمی نوٹسز جاری کر دیے۔

ترجمان میپکو کا کہنا تھا کہ موٹر وے پولیس میپکو کی 12 لاکھ روپے کی نادہندہ ہے، موٹر وے پٹرولنگ پولیس 42 لاکھ 90 ہزار اور محکمہ ریلوے 2 کروڑ 65 لاکھ روپے کا نادہندہ ہے۔

ترجمان کے مطابق محکمہ فوڈ اینڈ لائیو اسٹاک 8 لاکھ 30 ہزار روپے کا نادہندہ، نادرا 8 لاکھ 10 ہزار روپے اور محکمہ انکم ٹیکس 30 لاکھ 50 ہزار روپے کا میپکو کا نادہندہ ہے۔