The news is by your side.

پی ٹی آئی کارکنوں پر درج 25 مئی کے مقدمات خارج

لاہور: پنجاب حکومت نے 25 مئی کو لانگ مارچ کے دوران پی ٹی آئی کارکنوں پر درج مقدمات خارج کردیے۔

وزیرداخلہ پنجاب کرنل (ر) ہاشم ڈوگر نے میڈیا سے گفتگو کرتے ہوئے کہا کہ لاہور میں 14 مقدمات پی ٹی آئی رہنماؤں اور کارکنوں پر درج کیے گئے تھے، پولیس کو ثبوت مل گئے ہیں تمام پرچے جھوٹے اور سیاسی بنیادوں پر درج کیے گئے، جس کے بعد ان مقدمات کو خارج کردیا گیا ہے۔

انہوں نے کہا کہ 25 مئی واقعہ میں ملوث افسران کیخلاف انکوائریاں لازمی مکمل کی جائیں گی، وزیراعلی اور کابینہ کی پالیسی ہے کہ جو افسران بھی ملوث ان کیخلاف کارروائی کی جائے۔

وزیرداخلہ پنجاب نے کہا کہ شہبازگل پر تشدد کے ثبوت پہلے دن سے ہمارے پاس موجود تھے، عدالت کے طلب کرنے پر ہی تشدد کے ثبوت پیش کیے۔

کرنل (ر) ہاشم ڈوگر نے کہا کہ عمران خان کو گرفتار کرنے کی کوشش کی گئی تو رسپانس ہم نہیں عوام دیں گے۔

Comments

یہ بھی پڑھیں