اسلام آباد: افغانستان کے صوبے لوگر میں ہنگامی لینڈنگ کرنے والے پنجاب حکومت کے ہیلی کاپٹر میں موجود عملے کو باحفاظت بازیاب کروالیا گیا۔
Punjab copter crew recovered from Afghanistan… by arynews
ذرائع کے مطابق پنجاب حکومت کا ہیلی کاپٹر مرمت کے لیے براستہ افغانستان، ازبکستان جارہا تھا کہ فنی خرابی کے باعث افغانستان کے صوبے لوگر میں ہنگامی لینڈنگ کرنی پڑگئی، ہیلی کاپٹر کی لینڈنگ کے بعد افغان حکومت نے تصدیق کی تھی کہ اُس میں موجود عملہ طالبان کی تحویل میں ہے۔
پڑھیں : پنجاب حکومت کے ہیلی کاپٹر کی افغانستان میں ہنگامی لینڈنگ، عملے کو طالبان نے پکڑ لیا
بعد ازاں آرمی چیف آف اسٹاف جنرل راحیل شریف کی جانب سے افغانستان میں موجود امریکی جنرل اور افغان حکام سے عملے کی باحفاظت بازیابی کے لیے رابطہ کیاگیا تھا جس کے بعد افغان حکومت اور امریکی جنرل کی جانب سے ہرقسم کے تعاون کی یقین دہانی کروائی گئی تھی۔
مزید پڑھیں : ہیلی کاپٹر کی بازیابی کیلئے آرمی چیف کا امریکی و افغان حکام کو فون
اس ضمن میں سرکاری سطح پر کوئی رپورٹ تاحال سامنے نہیں آئی تاہم ذرائع نے اس بات کی تصدیق کی ہے کہ یرغمال بنائے ہوئے 5 پاکستانیوں سمیت ایک روسی پائلٹ کو بازیاب کرواتے ہوئے چترال کے راستے پاکستان پہنچادیا گیا ہے۔
خبر پڑھیں : یرغمال عملے میں آرمی چیف کا کوئی رشتہ دار نہیں، آئی ایس پی آر
ہنگامی لینڈنگ کے وقت ہیلی کاپٹر میں کرنل ریٹائرڈ صفدر، ریٹائرڈ لیفٹینٹ کرنل شفیق، لیفٹینٹ (ر) ناصر، کریو چیف کوثر اور سویلین داود سمیت روسی پائلٹ سرگئی سیاس تیانوف شامل تھے۔
