site
stats
Uncategorized

پنجاب کابینہ میں توسیع، 11 نئے وزرا شامل

لاہور : پنجاب حکومت نے کابینہ میں ساڑھے تین سال بعد توسیع کرتے ہوئے 11 نئے وزرا کو شامل کرلیا گیا، کابینہ کا حصہ بننے والے نئے وزرا پیر کو اپنے نئے قلمدانوں کا حلف اٹھائیں گے جس کا نوٹی فکیشن بھی جاری کردیا گیا ہے۔

تفصیلات کے مطابق پنجاب حکومت نے کابینہ میں توسیع کرتے ہوئے 11 افراد کو وزارتیں دینے کا باقاعدہ نوٹیفکیشن جاری کردیا جبکہ کابینہ میں توسیع کرتے ہوئے حکومت میں دو معاونین خصوصی  اور 3 مشیروں کو بھی شامل کیا گیا ہے۔

پنجاب حکومت کی جانب سے صوبائی کابینہ میں خواجہ سلمان رفیق، شیخ علاؤالدین، منشاء اللہ بٹ، مہر اعجاز احمد، زعیم حسین قادری، نعیم خان بھابھہ، جہانگیر خانزادہ، نغمہ مشتار ، امان اللہ خان ، سید رضا گیلانی اور ملک احمد یار کو بطور وزیر شامل کیا گیا۔

علاوہ ازیں ملک محمد احمد اور رانا محمد ارشد کو وزیر اعلیٰ پنجاب کا معاونین خصوصی جبکہ خواجہ عمران نذیر ، رانا مقبول اور عزم الحق کو وزیر اعلیٰ کا مشیر مقرر کیا گیا ہے۔

پنجاب حکومت کی جانب سے کابینہ میں توسیع کا  نوٹی فکیشن جاری کیا گیا ہے تاہم صوبائی حکومت نے وزراء کے قلمدانوں کی تفصیلات کے حوالے سے کوئی اعلان نہیں کیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top