لاہور : پاکستان میں شادی پر دلہن کے لئے 3 لاکھ 6 ہزار روپے کا پیکج اور ایک لاکھ روپے سلامی دینے کا منصوبہ سامنے آگیا۔
تفصیلات کے مطابق پنجاب میں میں مالی طور پر مستحق خاندانوں کیلئے سوشل ویلفئیر کا سب سے بڑا منصوبہ سامنے آیا۔
پنجاب حکومت نے مالی طور پر مستحق خاندانوں کی بچیوں کی شادیاں خود کروانے کا فیصلہ کرلیا۔
پنجاب حکومت مستحق خاندانوں کی بچیوں کی شادی کے اخراجات دھی رانی پروگرام کے تحت خود اٹھائے گی، دھی رانی پروگرام کے تحت 52 بچیوں کی پہلی اجتماعی شادی کی تقریب رواں ہفتے لاہور میں ہو گی۔
محکمہ سوشل ویلفیئر کے زیر اہتمام تقریب کی مہمان خصوصی وزیراعلیٰ مریم نواز ہوں گی، منصوبے کے تحت حکومت پنجاب ایک شادی پر فی دلہن کو تین لاکھ چھ ہزار روپے کا پیکج دے گی جبکہ پیکج میں ہر دلہن کو ایک لاکھ روپے سلامی بذریعہ اے ٹی ایم کارڈ دی جائے گی۔
سوشل ویلفیئر ڈیپارٹمنٹ نے اجتماعی شادیوں کیلئےایک ارب روپے کا فنڈ مختص کردیا، دھی رانی پروگرام سے قبل بیت المال سے صرف جہیز کیلئے 30 ہزار کی امداد کی جاتی تھی۔
