The news is by your side.

Advertisement

پنجاب میں کورونا ایک بار پھر سر اٹھانے لگا، متعدد مقامات مائیکرو اسمارٹ لاک ڈاون کے تحت سیل

لاہور : پنجاب میں کورونا وائرس ایک بار پھر سر اٹھانے لگا، پنجاب حکومت کی جانب سے صوبہ بھر کے متعدد مقامات کو مائیکرو اسمارٹ لاک ڈاون کے تحت سیل کر دیا گیا۔

تفصیلات کے مطابق کورونا وائرس کے بڑھتےکیسز کے پیش نظر پنجاب حکومت نے صوبہ بھر میں 830مقامات مائیکرو اسمارٹ لاک ڈاون کے تحت سیل کر دئیے۔

ان علاقوں میں1416افراد کورونا وائرس کا شکار ہوئے، جہاں کل 3332 افراد رہائش پذیر ہیں، سب سے زیادہ لاہور کے 435، اٹک دو، بہاولنگر 4، بہاولپور 37، بھکر 35، چکوال 2، چینوٹ کے 7مقام مائیکرو اسمارٹ لاک ڈاون کے تحت سیل کئے گئے۔

ڈیرہ غازی خان میں 17، فیصل آباد میں 34اور گوجرانوالہ میں 14مقام کو سیل کیا گیا جبک گجرات کے 29، حافظ آباد3، جھنگ میں 2، جہلم میں 8، قصور میں 3مقامات میں مائیکرو اسمارٹ لاک ڈاون لگا دیا گیا ہے۔

اسی طرح لودھراں 4، منڈی بہاءالدین 7، میانوالی 2، ملتان 44خانیوال میں 6، خوشاب 5اور لیہ کے ایک مقام کو بھی سیل کر دیا گیا ہے جبکہ مزید علاقوں میں مظفرگڑھ میں 2، ننکانہ صاحب 3، نارووال 1، اوکاڑہ 3، پاکپتن 1رحیم یار خان 2، راجن پور 1، روالپنڈی 47، ساہیوال 16، سرگودھا 24، شیخوپورہ 10، سیالکوٹ کے 5، ٹوبہ ٹیک سنگھ کے 11اور وہاڑی کے 3 علاقے بھی شامل ہیں۔

واضح رہے پنجاب میں 24 گھنٹوں میں کورونا وائرس کے 283نئے کیسز رپورٹ ہوئے ، جس کے بعد صوبے میں کورونا کیسزکی تعداد 104554ہوگئی۔

ترجمان ہیلتھ کیئر کا کہنا ہے کہ کوروناسےمزید3افرادانتقال کرگئے، جس کے بعد اموات کی تعداد2365ہوگئی جبکہ کورونا کو شکست دینے والوں کی تعداد97471 ہوگئی ہے۔

Comments

یہ بھی پڑھیں