لاہور: پنجاب حکومت نے کرتار پور میں ٹی ڈی سی پی ریزارٹ بنانے کا فیصلہ کرلیا ،محسن نقوی نے کہا کہ سکھ زائرین کو پنجاب میں بہترین سہولتیں مہیا کریں گے۔
تفصیلات کے مطابق نگران وزیر اعلی پنجاب محسن نقوی کی زیرصدارت اہم اجلاس ہوا، اجلاس میں صوبائی وزیر سیاحت عامر میر، سیکرٹری پی اینڈ ڈی، ایم ڈی ٹی ڈی سی پی، جی ایم آپریشنز ٹی ڈی سی پی اور دیگر متعلقہ حکام شریک ہوئے جبکہ ڈی سی نارووال نے ویڈیو لنک کے ذریعے شرکت کی۔
اجلاس میں کرتار پور راہداری سے منسلک پچاس کمروں کے ہوٹل پراجیکٹ کی منظوری دی گئی اور کرتار پور میں ٹی ڈی سی پی ریزارٹ بنانے کا فیصلہ کیا گیا۔
اجلاس میں سیکرٹری ٹور ازم پنجاب راجہ جہانگیر انور نے محسن نقوی کو کرتار پور درشن ریزارٹ پر بریفنگ دی۔
محسن نقوی نے کہا سکھ زائرین کو پنجاب میں بہترین سہولتیں مہیا کریں گے، محض مذہبی سیاحت نہیں بلکہ سکھ بھائیوں کو دل سے دعوت دیتے ہیں۔
