لاہور: پنجاب میں اسموگ کے پیشِ نظر نافذ گرین لاک ڈاؤن کے تحت مارکی اور شادی ہالز کے اوقات کار بھی مقرر کر دیے۔
صوبائی حکومت کے نوٹیفکیشن کے مطابق گرین لاک ڈاؤن والے علاقوں میں مارکی اور شادی ہالز رات 10 بجے بند ہوں گے جبکہ علاقوں میں پانی کے چھڑکاؤ کے بغیر جھاڑو لگانے پر پابندی ہوگی۔
نوٹیفکیشن کے مطابق پابندی کا اطلاق 4 نومبر تک رہے گا۔ ڈیوس روڈ، کشمیر روڈ، ایبٹ روڈ پر شملہ پہاڑی سے گلستان سینما، ایمپریس روڈ شملہ پہاڑی سے ریلوے ہیڈ کوارٹر تک، کوئن روڈ، علامہ اقبال روڈ کے اطراف میں لاک ڈاؤن ہوگا۔
لاک ڈاؤن والے علاقوں میں چنگچی رکشے اور کمرشل جنریٹرز پر پابندی ہوگی اور ریسٹورنٹس، باربی کیو پر رات 8 بجے کے بعد پابندی ہوگی۔
اس سے قبل سینئر وزیر مریم اورنگزیب نے پنجاب اسمبلی میں میڈیا سے گفتگو کرتے ہوئے کہا تھا کہ لاہور کے زیادہ اسموگ والےعلاقوں میں گرین لاک ڈاؤن لگانےجارہے ہیں، لاہور کے چار پانچ علاقوں میں گرین لاک ڈاؤن ہوگا۔
مریم اورنگزیب کا کہنا تھا کہ وزیراعلیٰ پنجاب نے اسموگ پرجامع پلان دیا ہے اس سےاسمبلی کوآگاہ کروں گی۔
انہوں نے بتایا تھا کہ گزشتہ چھ ماہ میں ہر محکمے کو اہداف سونپے گئے تھے،مریم اورنگزیباب لاہور کے شہریوں نے کردار ادا کرنا ہے، بھارت کے ساتھ اسموگ کے معاملے پر بات چیت بڑھائیں گے۔
ان کا کہنا تھا کہ وزیر اعلیٰ پنجاب دہلی کے وزیراعلیٰ کواسموگ کے تدارک کیلئےخط لکھیں گی، دونوں ممالک ملکرمشترکہ لائحہ عمل ترتیب دی گے تو اسموگ کا حل ہوگا۔
سینئر وزیر کا مزید کہنا تھا کہ ہمیں الیکٹرک گاڑیوں کے استعمال کی طرف جانا ہوگا،وہیکل فٹنس سرٹیفکیٹ گاڑی مالکان کی ذمہ داری ہوگی تاہم وزیراعلیٰ نےاسموگ کے مستقل خاتمے کیلئے10سال کا پلان دیا ہے۔
