The news is by your side.

Advertisement

وزیر صحت پنجاب یاسمین راشد کا کرونا ٹیسٹ دوبارہ مثبت آگیا

لاہور: وزیر صحت پنجاب یاسمین راشد کی صحت سے متعلق بڑی خبر سامنے آئی ہے۔

ذرائع کے مطابق یاسمین راشد کا ایک بار پھر کرونا ٹیسٹ مثبت آگیا ہے، جس پر انہوں نے فوری طور پر خود کو قرنطینہ کرلیا ہے۔

ذرائع کا کہنا ہے کہ وزیر صحت پنجاب کو تیز بخار، کھانسی کی علامات ہیں، کرونا ٹیسٹ کرانے پر رپورٹ مثبت آئیں۔

واضح رہے کہ یاسمین راشد رواں ماں کے دوران دوسری بار عالمی وبا کرونا کا شکار ہوئی ہیں ، ان کا 4 جنوری کو کرونا ٹیسٹ مثبت آیا تھا تاہم 5 روزہ آئسولیشن کے بعد 9 جنوری کو ان کا ٹیسٹ منفی آیا تھا، ٹیسٹ منفی آنے کے بعد انہوں نے سیاسی سرگرمیوں کا آغاز کیا تھا۔

واضح رہے کہ وزیر صحت پنجاب تیسری بار کرونا وبا کا شکار ہوئی ہیں جبکہ وہ کینسر جیسے موذی مرض سے بھی نبردآزما ہیں حال ہی میں ان کی کیمو تھراپی بھی ہوئی تھی جس کے باعث ان کے سر کے تمام بال جھڑ گئے تھے۔

بریسٹ کینسر سے لڑنے کے دوران بھی یاسمین راشد نے اپنی سیاسی ذمے داریاں احسن طریقے سے انجام دیں تھی جس پر مختلف سیاسی رہنماؤں کے علاوہ سوشل میڈیا صارفین نے ان زبردست خراج عقیدت پیش کیا تھا۔

Comments

یہ بھی پڑھیں