The news is by your side.

Advertisement

کالعدم تنظیم سے معاہدہ: محکمہ داخلہ پنجاب کا مزید ایک ہزار افراد کو رہا کرنے کا فیصلہ

لاہور : محکمہ داخلہ پنجاب نے کالعدم جماعت کے مزید ایک ہزار افراد کو رہا کرنے  کا فیصلہ کرلیا ،  اس حوالے سے متعلقہ ڈپٹی کمشنرز کو احکامات جاری کردیے گئے ہیں۔

تفصیلات کے مطابق حکومت اور کالعدم تنظیم کے درمیان معاہدے پر عملدرآمد جاری ہے ، محکمہ داخلہ پنجاب نے کالعدم جماعت کے مزید ایک ہزار افراد کو رہا کرنے کی منظوری دے دی۔

اسٹیئرنگ کمیٹی کی سفارش پر حکومت نے مزید افراد کو رہا کرنےکاحکم دیا، اس حوالے سے محکمہ داخلہ پنجاب نے متعلقہ ڈپٹی کمشنرز کو احکامات جاری کردیے۔

محکمہ داخلہ پنجاب کا کہنا تھا کہ ایک دن میں 2مرحلوں میں ایک ہزار 60افراد رہا کرچکےہیں۔

یاد رہے محکمہ داخلہ پنجاب نے اسٹیئرنگ کمیٹی اجلاس میں ہونے والے فیصلوں پرعملدرآمد کرتے ہوئے صوبے بھر سے کالعدم تحریک لبیک کے گرفتار 860افرادکو رہا کردیا ہے۔

محکمہ داخلہ پنجاب کا کہنا تھا کہ جن افراد کے خلاف کیسز نہیں تھے ان کو رہا کردیا گیا، جن افراد کے خلاف کیسز ہیں ان کو رہا نہیں کیا جارہا۔

Comments

یہ بھی پڑھیں