لاہور کے پنجاب انسٹیٹیوٹ آف کارڈیالوجی (پی آئی سی) میں مریضوں کو  زائد المیعاد اسٹنٹ ڈالنے کا انکشاف ہوا ہے۔

 اسپتال کی آڈیٹر جنرل کی جانب سے جاری رپورٹ کے مطابق پی آئی سی میں 22 مریضوں کو مکمل طور پر ایکسپائر اسٹنٹ ڈالے، جولائی 2021 تا دسمبر 2022 تک مریضوں سے جان لیوا کھیل کھیلا گیا۔

رپورٹ کے مطابق 9 مریضوں کو ایسے اسٹنٹ ڈالے گئے جن کی معیاد صرف 3 فیصد تک تھی، ایکسپائر اسٹنٹ اور دواؤں کی خریداری میں 263 ملین روپےکی بے ضابطگیوں کا انکشاف ہوا ہے۔

رپورٹ کے مطابق آڈیٹر جنرل رپورٹ میں اسٹاک اور مریضوں کی فائلز کے معائنے کے بعد یہ مالی بےضابطگی سامنے آئی ہے، آڈیٹر جنرل کے جواب طلب کرنے پر محکمہ کی طرف سے جواب نہیں دیا گیا ہے۔