کراچی : بلدیاتی الیکشن کاآخری معرکہ ہفتہ پانچ دسمبر کو پنجاب کے بارہ اضلاع اور کراچی میں لڑا جائے گا۔ انتخابی مہم آج رات بارہ بجے ختم ہوجائے گی، امیدواروں نے ووٹرز کو رام کرنے کے لئے ایڑی چوٹی کا زور لگادیا۔
کراچی اور پنجاب کے بارہ اضلاع میں بلدیاتی الیکشن کا دنگل صرف ایک دن دور ہے، انتخابی مہم آج رات بارہ بجے ختم ہوگی، گہما گہمی عروج پر ہے، کراچی، راولپنڈی ، ملتان میں پانچ دسمبر کو کانٹے کے مقابلے متوقع ہیں، امیدواروں نے ووٹرز کو راغب کرنے لے لئے پورا زور لگا دیا
کراچی میں ایم کیوایم نے رات ناظم آباد میں پنڈال سجایا جبکہ پیپلز پارٹی، تحریک انصاف، جماعت اسلامی، عوامی نیشنل پارٹی ، جے یو آئی، جے یو پی کیساتھ آزاد امیدوار بھی متحرک ہیں۔
الیکشن کمیشن کے انتظامات بھی مکمل ہیں، کراچی میں رینجرز کے کمانڈنگ افسران کو مجسٹریٹ درجہ اؤل کے اختیارات دئیے گئے ہیں.
دوسری جانب پنجاب میں اٹھارہ یوسی چیئرمین اور وائس چیئرمین بلامقابلہ منتخب ہو چکے ہیں جبکہ پانچ ہزار دو سو اکیاون امیدوار میدان میں ہیں.
