پنجاب میں پولیس بھتہ خور بن گئی اور شہریوں کو بلیک میل کرکے انہیں لوٹنے لگی پیر محل میں ایک شہری سے 45 لاکھ سے زائد رقم وصول کی۔
اے آر وائی نیوز کے مطابق پنجاب میں پولیس بھتہ خور بن گئی اور شہریوں کو بلیک میل کرکے انہیں لوٹنے لگی ہے۔ پیر محل میں ایک شہری سے 45 لاکھ 20 ہزار سے زائد بھتہ وصول کیا۔ بھتہ وصول کرنے والوں میں دو تھانوں کے ایس ایچ اوز بھی شامل ہیں۔
متاثرہ شہری عثمان منیر کی مدعیت میں پولیس افسران اور اہلکاروں کے خلاف ہنی ٹریپ اور بالیک میل کر کے بھتہ وصول کرنے کا مقدمہ درج کر لیا گیا ہے۔
مقدمے میں لڑکی سمیت 11 نامزد اور تین نامعلوم افراد شامل ہیں۔
ایف آئی آر میں سب انسپکٹر سابق ایس ایچ او ابتسام الحق، ایس ایچ او تھانہ اروتی رضوان، ایک لڑکی سمیت 11 نامزد اور 3 نامعلوم کے خلاف درج کیا گیا ہے۔
ایف آئی آر کے مندرجات کے مطابق مدعی سے لڑکی کے ذریعے ہنی ٹریپ اور بلیک میل کر کے بھتہ وصول کیا گیا ہے۔
