The news is by your side.

Advertisement

وزیر اعظم عمران خان کی ہدایت پر پنجاب پولیس کا مجرموں کا کامیاب تعاقب

لاہور: پنجاب میں بڑھتے ہوئے جرائم کے پیش نظر وزیر اعظم عمران خان کی ہدایت پر پنجاب پولیس نے مجرموں کا تعاقب شروع کر دیا ہے۔

تفصیلات کے مطابق وزیر اعظم عمران خان نے پنجاب پولیس کو خصوصی ہدایت کی کہ مجرموں کا تعاقب کیا جائے، جس کے بعد پنجاب پولیس نے لوٹ مار کرنے والے مجرموں کے خلاف کریک ڈاؤن شروع کر دیا ہے۔

وہاڑی کے قریب تھانہ لڈن کی حدود میں ایک پولیس مقابلے میں 3 ڈاکو گرفتار کر لیے گئے، ملزمان ناکہ لگا کر لوٹ مار کر رہے تھے، فائرنگ کے تبادلے میں زخمی ہو گئے، جس کے بعد ملزمان کو گرفتار کر لیا گیا۔

گزشتہ شام لاہور شہر گھر لوٹنے والوں کے نرغے میں رہا

لاہور میں بھی ڈکیتی کرنے والے گروہ کے خلاف سی آئی اے پولیس نے کام یاب کارروائی کی، لاہور پولیس کا کہنا ہے کہ شہریوں کو یرغمال بنا کر لوٹ مار کرنے والا 10 رکنی گروہ گرفتار کر لیا گیا ہے۔

پنجاب پولیس کی جانب سے تازہ ترین کارروائیوں کی ابتدائی رپورٹ بھی وزیر اعظم آفس کو بھجوا دی گئی ہے۔

لاہور میں ڈکیتی اور راہزنی کی وارداتوں میں اضافہ، وجہ سامنے آ گئی

واضح رہے کہ دو دن قبل صرف ایک شام میں لاہور شہر میں کئی گھر لوٹ لیے گئے تھے، ڈکیت آزادانہ کارروائیاں کر کے فرار ہو گئے، پولیس بے بس رہی، اے آر وائی نیوز کے مطابق لاہور کے علاقے لیاقت آباد میں شبیر نامی شہری کی فیملی کے ساتھ واردات ہوئی، مانگا منڈی میں ماجد نامی شہری کا گھر لوٹ لیا گیا، گلشن راوی میں مجید نامی شہری جب کہ موچی گیٹ میں محمود نامی شہری کے گھروں کا صفایا کیا گیا۔ مغل پورہ میں فراز، چوہنگ میں بشیر کے گھروں میں ڈاکے ڈالے گئے، گڑھی شاہو میں اعجاز نامی شہری کی فیملی کے ساتھ واردات ہوئی۔

fb-share-icon0
Tweet 20

Comments

comments

یہ بھی پڑھیں