The news is by your side.

Advertisement

پنجاب پولیس کا اقدام، شہریوں کو قیمتی سامان واپس مل گیا

رحیم یار خان : لیاقت پور پولیس نے چوری اور ڈکیتی کی متعدد وارداتوں میں ملوث ملزمان کے قبضے سے برآمد ہونے والا اسلحہ، موٹرسائیکلیں، زیورات اور دیگر مسروقہ سامان مالکان کے حوالے کردیا۔

تفصیلات کے مطابق پنجاب کے شہر رحیم یار خان کے علاقے لیاقت پور کی تھانہ شیدانی پولیس نے چوری اور ڈکیتی کی23 وارداتوں میں تیرہ ملزمان کو گرفتار کرکے چودہ موٹرسائیکلیں، دس تولہ سونا سمیت اسلحہ اور لاکھوں روپے مالیت کا مال مسروقہ برآمد کرلیا، پولیس نے برآمد ہونے والا یہ تمام مسروقہ مال قانونی کارروائی کے بعد مالکان کے حوالے کر دیا گیا۔

اس حوالے سے ڈی ایس پی سرکل لیاقت پور اسلم خاں نے تھانہ شیدانی میں پریس کانفرنس کرکے تفصیلات سے اگاہ کیا، اس موقع پر پولیس افسران نے ملزمان سے برآمد ہونے والی موٹرسائیکلوں کی چابیاں اور مال مسروقہ اصل مالکان کے حوالے کیے۔ تقریب میں موجود شہریوں نے پولیس کی کارکردگی کو خوب سراہا۔

Comments

یہ بھی پڑھیں