The news is by your side.

Advertisement

پنجاب کے مختلف شہروں میں بادل برس گئے، موسم خوشگوار

لاہور : پنجاب کے مختلف علاقوں میں ہلکی بارش کے نتیجے میں درجہ حرارت میں کمی سے موسم خوشگوار ہو گیا، خیبر پختونخواہ، اسلام آباد اور شمال مشرقی بلوچستان میں باران رحمت کا امکان ہے۔

تفصیلات کے مطابق لاہور میں آج صبح باران رحمت برسنے کے بعد موسم ٹھنڈا ہوگیا اور سردی جاتے جاتے رک گئی،
وقفے وقفے سے ہونے والی بارش کی وجہ سے خنکی میں اضافہ ہو گیا۔

محکمہ موسمیات کا کہنا ہے کہ بارش کا سلسلہ آج دن بھر وقفے وقفے سے جاری رہے گا، اس کے علاوہ خیبر پختونخواہ، اسلام آباد اور شمال مشرقی بلوچستان میں بارش کا امکان ہے۔

اس کے علاوہ پنجاب کے مختلف شہروں میں بارش کی جھڑی لگ گئی قصور، جھنگ، وہاڑی ،بھکر، صفدرآباد، کندیاں، میاں چنوں، بہاولنگر سمیت کہیں ہلکی اور کہیں تیز بارش ہوئی جس سے کورونا وائرس سے خوف زدہ عوام کے چہرے پہ مسکراہٹ آگئی اور انہوں نے خوشگوار حیرت کا اظہار کیا۔

محکمہ موسمیات کا کہنا ہے آئندہ چوبیس گھنٹوں کے دوران خیبر پختونخواہ، اسلام آباد، پنجاب ، شمال مشرقی بلوچستان، گلگت بلتستان اور کشمیر میں تیز ہوائوں اور گرج چمک کے ساتھ بارش کا امکان ہے۔

fb-share-icon0
Tweet 20

Comments

comments

یہ بھی پڑھیں