The news is by your side.

Advertisement

ایک کروڑ روپے تک کا آسان قرضہ حاصل ‌‌کرنے کیلئے درخواست کی فیس کتنی ہوگی؟

لاہور: وزیر صنعت و تجارت پنجاب اسلم اقبال  کا کہنا ہے کہ پنجاب روزگار کی انقلابی اسکیم کا آغاز رواں ماہ میں ہوگا، درخواست کی پراسیسنگ فیس2 ہزار  ر وپے اور قرض کی منظوری 20روزمیں ہوگی۔

تفصیلات کے مطابق وزیر صنعت و تجارت پنجاب اسلم اقبال کی زیر صدارت اسمال انڈسٹریز کارپوریشن کا اجلاس ہوا، جس میں پنجاب روز گار اسکیم کے خدوخال اور قواعد و ضوابط کی منظوری دی گئی جبکہ نجی ممبر کیلئے ایک اجلاس میں شرکت کے لئے 15 ہزار اعزازیہ کی بھی منظوری دی۔

وزیر صنعت و تجارت پنجاب نے کہا پنجاب روز گار کی انقلابی اسکیم کا آغاز رواں ماہ میں ہوگا، درخواست کی پراسیسنگ فیس2 ہزار  ر وپے اور قرض کی منظوری 20روزمیں ہوگی جبکہ قرض واپسی کی مدت 2سے5سال تک ہوگی جبکہ رعایتی مدت 6ماہ ہوگی۔

اسلم اقبال کا کہنا تھا کہ معاشی و کاروباری سرگرمیاں بڑھانے کے لئے سکیم لائی جارہی ہے، اسکیم کے تحت ایک کروڑ روپے تک کا آسان قرضہ حاصل کیا جاسکے گا۔

مزید پڑھیں : پنجاب روزگار اسکیم شروع کرنے کی منظوری

گذشتہ روز وزیراعلیٰ پنجاب عثمان بزدار نے پنجاب روزگار اسکیم شروع کرنے کی منظوری دی تھی ، اسکیم کےتحت 30 ارب کے قرضے آسان شرائط پر دیے جائیں گے۔

عثمان بزدار کا کہنا تھا کہ نئےکاروباریاموجودہ کاروبار کےلئےقرضہ فراہم کیا جائےگا، اسکیم کے تحت ایک کروڑ روپے تک کا قرضہ لیا جا سکے گا اور خواجہ سرابھی قرضہ اسکیم سے استفادہ کرسکیں گے جبکہ خواتین کے لئے مارک اپ کم رکھا گیا ہے۔

وزیراعلیٰ پنجاب نے پنجاب روزگار اسکیم کورواں ماہ لانچ کرنےکی ہدایت کرتے ہوئے کہا تھا کورونا کے باعث کاروبار متاثرہوئےاب بڑاریلیف دےرہےہیں ، مارک اپ کومزیدکم کرنے کا جائزہ لیا جائے، نوجوان ناصرف ہنرسیکھیں گےبلکہ انہیں روزگار بھی ملےگا۔

Comments

یہ بھی پڑھیں