پنجاب میں اپنی نوعیت کا پہلا اور منفرد ”سہولت آن دی گو“ بازار قائم کرنے کا فیصلہ کیا گیا ہے، وزیراعلیٰ نے پراجیکٹ کیلئے 4 ماہ کا ہدف مقرر کردیا۔
تفصیلات کے مطابق ”سہولت آن دی گو“ بازار پراجیکٹ کی اصولی منظوری دی گئی، وزیراعلیٰ مریم نواز نے لاہور میں پائلٹ پراجیکٹ کیلئے چار ماہ کا ہدف مقرر کردیا ہے، 14 مقامات پر ”سہولت آن دی گو“ بازار پائلٹ پراجیکٹ کیلئے پلان طلب کرلیا گیا ہے، اجلاس میں پنجاب کی ہر تحصیل میں ”سہولت آن دی گو“پراجیکٹ شروع کرنے پر اتفاق کیا گیا۔
یکساں طرز کے کاٹیج ٹاپ شاپس پر اشیا خورونوش اور اشیا ضروریہ دستیاب ہونگی، لاہور میں ”سہولت آن دی گو“ پائلٹ پراجیکٹ کے تحت 816 اسٹال بنائے جائیں گے، روڈ کے اطراف میں سرکاری اراضی استعمال میں لائی جائیگی۔
اجلاس میں بتایا گیا کہ ”سہولت آن دی گو“ پائلٹ پراجیکٹ کے تحت بازار ملتان روڈ، ہنجروال، جی ون مارکیٹ، فیصل ٹاؤن، مون مارکیٹ اور بیدیاں روڈ پر قائم ہونگے۔
مانگا منڈی، رائیونڈ، ملت روڈ، گلشن راوی، شاہدرہ، شادمان اور سنگھ پورہ میں بھی ”سہولت آن دی گو“ پائلٹ پراجیکٹ کا آغاز کیا جائے گا، ”سہولت آن دی گو“ بازار میں صاف ستھرا ماحول اور سیکیورٹی کا خاص اہتمام کیا جائیگا۔
وزیراعلیٰ مریم نوازشریف کو پنجاب ماڈل بازار مینجمنٹ کمپنی کے چیئرمین محمد افضل کھوکھر نے ماڈل بازار پر رپورٹ پیش کی، وزیراعلیٰ مریم نوازشریف نے رمضان میں لگنے والے ماڈل بازار پر اطمینان کا اظہار کیا۔
پنجاب ماڈل بازار منیجمنٹ کمپنی کے سی ای او نوید رفاقت نے پراجیکٹ پر بریفننگ دی، پرنسپل سیکرٹری ساجد ظفر ڈال بھی اس موقع پر موجود تھے۔
