راولپنڈی: وزارت داخلہ پنجاب نے نالہ لئی کے اطراف دفعہ 144 نافذ کر دی۔
تفصیلات کے مطابق صوبہ پنجاب میں وزارت داخلہ نے نالہ لئی کے اطراف دفعہ ایک سو چوالیس نافذ کر دی، دفعہ 144 کا نفاذ کل سے 30 دنوں کے لیے کیا گیا ہے۔
نالہ لئی اور چھوٹے نالوں میں کسی بھی قسم کا کوڑا ڈمپ کرنے پر پابندی ہوگی، جس کی خلاف ورزی پر مقدمے کا اندراج ہوگا اور فوری گرفتاری عمل میں لائی جائے گی۔
- Advertisement -
144 کا نفاذ محکمہ موسمیات کی رپورٹ پر اربن فلڈنگ کے خدشے کے پیش نظر کیا گیا ہے، واسا نے ڈپٹی کمشنر راولپنڈی کو دفعہ 144کے نفاذ کی سفارش کی تھی۔
بعد ازاں ڈپٹی کمشنر نے واسا کی سفارش پر وزارت داخلہ پنجاب کو دفعہ 144 کے نفاذ کی درخواست کی۔
