بھارت کے نوجوان گلوکار دل جان سنگھ اپنی ہی غفلت کی وجہ سے کار حادثے میں ہلاک ہوگئے۔
بھارتی میڈیا رپورٹ کے مطابق پنجاب سے تعلق رکھنے والے گلوکار دل جان سنگھ کی گاڑی کو منگل کے روز امرتسر کے قریب حادثہ پیش آیا۔
عینی شاہدین کے مطابق اکتیس سالہ گلوکار امرتسر سے کپور تھالا جارہے تھے کہ جندیالا کے قریب اُن کی گاڑی سڑک کنارے کھڑے ٹرک سے ٹکرائی۔
View this post on Instagram
رپورٹ کے مطابق دل جان گاڑی بہت تیز چلا رہے تھے، وہ ٹرک کو دیکھ کر کار کو قابو نہ کرسکے اور سیدھے جاکر اُس سے ٹکرائے۔ حادثے کے بعد انہیں قریبی اسپتال منتقل کیا گیا جہاں ڈاکٹرز نے اُن کی حالت کو تشویشناک قرار دیتے ہوئے امرتسر اسپتال منتقل کیا۔ ڈاکٹرز نے گلوکار کو بچانے کی کوشش کی مگر وہ علاج کے دوران جانبر نہ ہوسکے۔
View this post on Instagram
ڈاکٹرز کے مطابق گلوکار کے سر اور سینے میں گہرے زخم آئے تھے جو اُن کی موت کا باعث بنے۔ رپورٹ کے مطابق گلوکار کی اہلیہ اور صاحبزادی کینیڈا میں مقیم ہیں جنہیں 15 اپریل کو بھارت پہنچنا تھا۔