کراچی : مکان سے لیاری گینگ وار کےاسلحے کی بڑی کھیپ برآمد -
The news is by your side.

Advertisement

کراچی : مکان سے لیاری گینگ وار کےاسلحے کی بڑی کھیپ برآمد

کراچی : پاک کالونی پرانا گولیمار کے مکان سے اسلحے کی بڑی کھیپ برآمد کرلی گئی۔ پولیس کا کہنا ہے کہ اسلحہ لیاری گینگ وار کا تھا۔

تفصیلات کے مطابق کراچی کے علاقے پرانا گولیمار میں پولیس نے ایک مکان سے لیاتی گینگ وار کے اسلحے کی کھیپ برآمد کرلی، جس میں ایل ایم جیز، کلاشنکوفیں ،ایم سولہ رائفلز ،راکٹ لانچرز ،آوان بم اور پچاس ہزار سے زائد گولیاں شامل ہیں۔

واضح رہے کہ عزیرآباد کے بعد پرانا گولیمار سے اسلحے کی دوسری بڑی کھیپ پکڑی گئی ہے۔ پولیس کا کہنا ہے کہ ایک گرفتار ملزم کی نشاندہی پر مکان پر چھاپہ مارا گیا۔

ایس ایس پی ویسٹ نے صحافیوں کو بتایا کہ ایک دیوار کے پیچھے خفیہ کمرا تھا جس میں اسلحہ رکھا گیا تھا،: ایس ایس پی ویسٹ کا کہنا تھا کہ مذکورہ اسلحہ کراچی آپریشن شروع ہونے سے پہلے لایا گیا تھا۔

انہوں نے بتایا کہ یہ اسلحہ لیاری گینگ وار کا ہے، پولیس نےکھدال کی مدد سے دیواریں اور چبوترا توڑ کر اسلحہ برآمد کیا۔

Comments

comments

یہ بھی پڑھیں