انگلینڈ کی کاؤنٹی نورفک میں 50 برس بعد بنفشی رنگ کی تتلیاں واپس لوٹ آئیں، کثرت سے اس علاقے میں پائی جانے والی یہ تتلیاں 70 کی دہائی میں اس علاقے میں معدوم ہوگئی تھیں۔
بنفشی تتلی برطانیہ میں پائی جانے والی تتلی کی تمام اقسام میں جسامت کے لحاظ سے دوسری بڑی تتلی ہے۔ بنفشی رنگت والے پروں کی حامل اس تتلی کے پروں کا پھیلاؤ 8.4 سیٹی میٹر ہے۔
اس کے پروں میں بنفشی رنگ کے ساتھ نارنجی رنگ کے دائرے بھی موجود ہوتے ہیں۔
ان تتلیوں کو آخری بار یہاں 1961 میں دیکھا گیا تھا۔ سنہ 1970 میں یہ اس کاؤنٹی میں مکمل طور پر معدوم ہوگئی تھیں جبکہ پورے برطانیہ میں ان کی آبادی میں 31 فیصد کمی بھی واقع ہوگئی تھی۔ اب 50 برس بعد یہ تتلیاں اس علاقے میں لوٹ آئی ہیں۔
تتلیوں کے تحفظ کے لیے کام کرنے والے ادارے کی کارکن کری کلارک کہتی ہیں، ’یہ جان کر خوشی ہوئی کہ ہماری تحفظ فطرت کی کوششیں رنگ لارہی ہیں اور ہم وہ ماحول دوبارہ لانے میں کامیاب ہوگئے ہیں جہاں تتلیاں پروان چڑھتی ہیں‘۔
بنفشی تتلیوں کی واپسی کے بعد اب صرف نورفک میں تتلیوں کی 37 مختلف اقسام ہوگئی ہیں۔
