معروف ساؤتھ انڈین اسٹار الو ارجن اور اداکارہ رشمیکا منڈنا کی ایکشن تھرلر فلم ’پشپا 2: دی رول‘ کا دھماکے دار ٹریلر جاری کر دیا گیا۔
انڈین میڈیا کے مطابق فلم کے ٹریلر میں الو ارجن سرخ صندل کی لکڑی کے اسمگلر کے اپنے ٹائٹلر کردار دوبارہ نظر آ رہے ہیں جبکہ رشمیکا منڈنا ان کی محبت ہے۔
ریاست بہار کے شہر پٹنہ میں ٹریلر کی نقاب کشائی کیلیے مخصوصی تقریب کا انعقاد کیا گیا۔ ٹریلر میں ڈرامہ، راز، ایکشن، موسیقی، ثقافت اور ایک بڑے ولن کو دیکھا گیا ہے۔
اداکار فہد فاصل جنہیں پچھلے فلم میں بہت کم اسکرین ٹائم ملا تھا، وہ اس بار ایک مضبوط کردار میں نظر آ رہے ہیں۔ وہ متحرک نظر آتے ہیں۔
فلم کا ٹریلر منفرد ڈائیلاگز سے بھرپور ہے۔ اس میں ایک مشہور ڈائیلاگ بھی شامل ہے جس میں معمولی تبدیلی کی گئی ہے: ’پشپا نام سن کے فلاور سمجھے کیا؟ فلاور نہیں، وائلڈ فلاور ہے‘۔
سوکمار کی ہدایت کاری میں بننے والے سیکوئل کی شروعات وہیں سے ہوتی ہے جہاں اختتام ہوا تھا۔ یہ بدمعاشوں اور حکام کے درمیان بلی اور چوہے کا کھیل ہے جو اسمگلروں اور ان کے پورے کاروبار سے نمٹنے کی کوشش کر رہے ہیں۔
فلم کے ٹریلر لانچ کے موقع پر الو ارجن اور رشمیکا منڈنا نے فلم ٹیم کے ساتھ تقریب میں شرکت کی۔ فلم 5 دسمبر کو سینما گھروں کی زینت بنے گی۔
