نئی دہلی: بھارتی اسٹار شٹلر پی وی سندھو جلد شادی کرنے کا فیصلہ کرلیا، شادی کی تاریخ بھی منظر عام پر آگئی ہے۔
بھارتی میڈیا رپورٹس کے مطابق پی وی سندھو رواں ماہ کی 22 تاریخ کو حیدرآباد کے آئی ٹی پروفیشنل وینکٹ دتہ سائی کے ساتھ شادی کے بندھن میں بندھ جائیں گی۔
رپورٹس کے مطابق بھارتی اسٹار شٹلر کی شادی کی تقریب راجستھان کے ادے پور میں منعقد کی جائے گی، تقریبات رواں ماہ کی 20 تاریخ سے شروع ہوں گی۔
سندھو کے والد نے اس حوالے سے بات کرتے ہوئے کہا کہ شادی ایک ماہ قبل طے کی گئی تھی اور خاندان کی خواہش تھی کہ شادی اسی ماہ ہو جائے۔کیونکہ جنوری سے سندھو کا 2025 کا مصروف سیشن شروع ہونے والا ہے۔
سندھو کے ہونے والے شوہر وینکٹ دتہ سائی پوسی ڈیکس ٹیکنالوجی کے ایگزیکٹو ڈائریکٹر ہیں، سائی پوسیڈیکس ٹیکنالوجیز کے منیجنگ ڈائریکٹر جی ٹی وینکٹیشور راؤ کے بیٹے ہیں۔
واضح رہے سندھو اب تک کے عظیم ترین ہندوستانی بیڈمنٹن کھلاڑیوں میں سے ایک ہیں، وہ اولمپک میں لگاتار تمغہ جیتنے والی دوسری بھارتی خاتون ہیں۔
حسن علی دوبارہ ایکشن میں واپس آنے کے لیے پُرامید
آخری بار سندھو نے جولائی 2022 میں سنگاپور اوپن جیت کر اہم اعزاز حاصل کیا تھا، اس کے بعد وہ 2023 میں اسپین ماسٹرز 300 اور 2024 میں ملائیشیا ماسٹرز 500 کے فائنل میں پہنچی تھیں، لیکن سندھو کو ٹائٹل میچ میں ناکامی کا سامنا کرنا پڑا تھا۔
