لاہور : وزیراعلیٰ پنجاب پرویزالہی نے انتخابات اکیلے پارٹی میں لڑنا یا تحریک انصاف سے اتحاد پر قریبی دوستوں اور ایم پی ایز سے رائے مانگ لی۔
تفصیلات کے مطابق ق لیگ کی پنجاب اسمبلی تحلیل کے معاملے پر قریبی دوستوں سے مشاورت جاری ہے ، ذرائع نے بتایا کہ وزیراعلیٰ پنجاب نے پارٹی کے چند ایم پی ایز اور دوستوں سے مشاورت کی۔
ذرائع کا کہنا ہے کہ پرویزالہی نے ایم پی ایز اور دوستوں سے رائے مانگی ہے کہ بتائیں انتخابات اکیلے پارٹی میں لڑنا ہے یا تحریک انصاف سے اتحاد چاہتے ہیں۔
ذرائع نے کہا ہے کہ ق لیگ کے ارکان اسمبلی اور سینئر رہنماؤں کی رائے تقسیم ہے تاہم اکثریت نے تحریک انصاف کیساتھ دینے اور کچھ نے اکیلے انتخابات لڑنے کی رائے دی۔
ذرائع کے مطابق صرف ق لیگ کے پلیٹ فارم پر آئندہ انتخابات کے حامیوں کی اسمبلی تحلیل کی مخالفت کی، رائے تقسیم ہونے پر فیصلے کا اختیار وزیراعلیٰ پرویزالہٰی کو دے دیا گیا ہے۔
پنجاب اسمبلی کی تحلیل پر 2روز سے مشاورت جاری ہے، اس حوالے سے مونس الہٰی کی آج عمران خان سےملاقات کا بھی امکان ہے۔
