site
stats
پاکستان

آرمی چیف تین روزہ دورے پر لندن پہنچ گئے

راولپنڈی: آرمی چیف آف اسٹاف جنرل قمر جاوید باجوہ تین روزہ سرکاری دورے پر لندن پہنچ گئے ہیں جہاں وہ عسکری و سیاسی رہنماؤں سے ملاقاتیں کریں گے۔

آئی ایس پی آر کے ڈائریکٹر جنرل میجر جنرل آصف غفور کی ٹوئٹ کے مطابق آرمی چیف آف اسٹاف تین روزہ سرکاری دورے پر لندن پہنچنے، جہاں وہ برطانوی سیاسی و عسکری قیادت سے ملاقاتیں کریں گے۔

پاک فوج کے تعلقات عامہ کے مطابق آرمی چیف آف اسٹاف برطانوی رہنماؤں سے ملاقاتوں میں امن و امان کی صورتحال سمیت عالمی صورتحال پر بھی تفصیلی تبادلہ خیال کریں گے۔

پڑھیں: ’’ آرمی چیف تین روزہ دورہ پر چین پہنچ گئے ‘‘

یاد رہے جنرل قمر جاوید باجوہ نے گزشتہ برس پاک فوج کی کمان سنبھالی جس کے بعد یہ برطانیہ کا پہلا دورہ ہے، اس سے قبل وہ چین سمیت مختلف ملکوں کے دورے کرچکے ہیں۔ خطے میں امن و امان کی صورتحال کو برقرار رکھنے کے لیے آرمی چیف نے مختلف ممالک کے سربراہان سے ملاقاتیں بھی کی ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top