کراچی: پیپلزپارٹی کے رہنما قمر زمان کائرہ نے آصف علی زرداری اور نواز شریف کے درمیان ملاقات کی تردید کردی۔
تفصیلات کے مطابق میڈیا پر یہ قیاس آرائیاں کی جارہی تھیں کہ آصف زرداری اور نواز شریف کی ملاقات ہوئی ہے تاہم قمر زمان کائرہ نے ایسی خبروں کی تردید کردی۔
اے آر وائی نیوز کے پروگرام سوال یہ ہے میں گفتگو کرتے ہوئے رہنما پی پی قمر زمان کا کہنا تھا کہ آصف زرداری وکلا کنونشن میں شرکت کے لیے لاہور آئے ہیں، وہ لاہور نوازشریف سے ملنے نہیں آئے۔
انہوں نے کہا کہ میڈیا میں آصف زرداری نوازشریف ملاقات کی قیاس آرائیاں ہیں، کل آصف زرداری کی نوازشریف سے کوئی ملاقات نہیں، جے یو آئی کے پلیٹ فارم سے آل پارٹیز کانفرنس ہورہی ہے۔
قمر زمان کائرہ کی فواد چوہدری کے بارے میں بڑی پیش گوئی
ان کا کہنا تھا کہ جے یو آئی کی اے پی سی میں پیپلزپارٹی شریک ہوگی، وزیراعظم کو دھرنے دلوانے کا شوق ہے کنٹینر کی باتیں کررہے ہیں، حکومت کو ہوش نہیں بیان بازی کے بجائے اپنے ایجنڈے پر کام کرے۔
رہنما پی پی کا کہنا تھا کہ حکومت کو کارکردگی بہتر بنانے کے لیے اپوزیشن کو لائحہ عمل دینے کا حق ہے قرارداد لانے کا مقصد حکومت پر کارکردگی بہتر کرنے کے لیے دباؤ ڈالنا ہے۔
پوچھے گئے سوال پر ان کا مزید کہنا تھا کہ کیا وزیراعظم عمران خان کسی کو این آراو دے سکتے ہیں، کس وقت کتنا دباؤ ڈالنا ہے مولانا فضل الرحمان ہم سے بہتر جانتے ہیں۔
0
20
