The news is by your side.

Advertisement

میاں نواز شریف کا گھر جانا ٹھہر گیا ہے، قمر زمان کائرہ

لاہور : پیپلز پارٹی پنجاب کے صدر قمر زمان کائرہ نے کہا ہے کہ میاں نواز شریف کا جانا ٹھہر گیا ہے، ن لیگ کے گالم گلوچ بریگیڈ کو نہ روکا گیا تو وہ بھی منہ میں زباں رکھتے ہیں۔

ان خیالات کا اظہارانہوں نے لاہور میں پیپلز پارٹی کے مقتول رہنما بابرسہیل بٹ کے چہلم کے موقع پر میڈیا سے گفتگو کرتے ہوئے کیا۔

قمر زمان کائرہ نے پیپلزپارٹی کی قیادت کو گالیاں دینے والے نون لیگیوں کو جواب دیا کہ کسی خاندان اور پارٹی کا کچھ چھپا نہیں، دوسروں کے منہ میں بھی زبان ہے۔

قمر زمان کائرہ نے مزید کہا کہ وزیر اعظم نے قوم سے بار بار جھوٹ بولا۔ انہیں جانا ہی ہوگا۔ اس مموقع پر مقتول رہنما بابر بٹ کے بھائی یونین کونسل کے چیئرمین نے الزام عائد کیا کہ وزیر اعلیٰ ملزموں کو تحفظ فراہم کررہے ہیں۔

چہلم میں بابر بٹ کے عزیز و اقارب اورپیپلز پارٹی کے قائدین کی بڑی تعداد شریک ہوئی اور مرحوم کے لئے دعائے مغفرت کی۔

Print Friendly, PDF & Email

Comments

comments

یہ بھی پڑھیں