لاہور : پیپلزپارٹی پنجاب کےصدر قمرزمان کائرہ کا کہناہےکہ پیپلزپارٹی انیس جنوری سےحکومت کےخلاف تحریک شروع کرے گی۔
تفصیلات کےمطابق پیپلزپارٹی پنجاب کےصدرقمر زمان قائرہ نے کہاہےکہ حکومت نےہمارے چارمطالبات تسلیم نہیں کیے،انہوں نے کہاکہ انیس جنوری کوپیپلزپارٹی کا فیصل آبادمیں جلسہ ہوگا۔
قمرزمان کائرہ نےشکوہ کیاکہ پیپلزپارٹی کوعدالتوں سےاس طرح انصاف نہیں ملتاجیسے نون لیگ کے لیے فیصلے ہوتے ہیں۔انہوں نےکہاکہ عمران خان کوبھی شاید ہی انصاف مل سکے۔
قمرزمان کائرہ کا کہناتھاکہ پیپلزپارٹی کا وزیراعظم ہوتا تو پانامہ لیکس پر پھانسی لگ چکا ہوتا۔انہوں نے کہا کہ سپریم کورٹ کو مزید بااختیار کرنےتک پانامہ لیکس معاملہ حتمی نتیجے پر نہیں پہنچےگا۔
مزید پڑھیں:کھاد سے سبسڈی ختم کرکے حکومت آگ سے کھیل رہی ہے، زرداری
اس سےقبل پیپلز پارٹی کے شریک چیئرمین آصف علی زرداری نے کہا تھا کہ کھاد پر سے سبسڈی ختم کرکے وفاقی حکومت آگ سےکھیل رہی ہے،فیصلہ فوری واپس لے۔
مزید پڑھیں:وزیراعظم کا کھاد پر ختم کی گئی سبسڈی کی بحالی کا حکم
واضح رہےکہ گزشتہ روز وزیراعظم نواز شریف نے عوامی اور سیاسی ردعمل کے بعد کھاد پر ختم کی گئی سبسڈی کا فیصلہ واپس لیتے ہوئے اسے جاری رکھنے کا حکم دے دیاتھا۔
