قندیل بلوچ کے قتل کی منصوبہ بندی بیرون ملک کی گئی، ملزم وسیم کا انکشاف -
The news is by your side.

Advertisement

قندیل بلوچ کے قتل کی منصوبہ بندی بیرون ملک کی گئی، ملزم وسیم کا انکشاف

ملتان : ماڈل گرل قندیل بلوچ قتل کیس میں اہم پیش رفت ہوئی ہے ،ملزم وسیم نے دوران تفتیش انکشاف کیا ہے کہ قندیل کے قتل کی منصوبہ بندی بیرون ملک میں کی گئی تھی۔

تفصیلات کے مطابق ماڈل گرل قندیل بلوچ قتل کیس میں ملزم وسیم نے انکشاف کیا ہے کہ قتل کا منصوبہ بڑے بھائی عارف نے بنایاُ تھا اور کزن حق نواز کو مدد کرنے کا کہا تھا۔

پولیس زرائع کے مطابق قتل کے وقت عارف اپنے بھائی وسیم کے ساتھ مسلسل رابطے میں تھا اور فون پر وسیم کو قتل کے لئے ہدایات دیے رہا تھا، پولیس نے عارف کو بھی اعانت قتل کے الزام میں نامزد کرنے کا فیصلہ کیا ہے۔

مزید پڑھیں : قندیل بلوچ قتل کیس میں مفتی عبدالقوی تفتیش کے لیے تھانے طلب

دوسری جانب معروف ماڈل قندیل بلوچ کے قتل کی تحقیقات میں پیشرفت کے بعد مفتی عبدالقوی کو ملتان پولیس نے تفتیش کے لیے باضابطہ تھانے طلب کر لیا ہے جبکہ مقتولہ کے بھائی کے ڈی این اے اور پولی گرافک ٹیسٹ کے نتائج کا انتظار ہے جب کہ دو بھابیوں اور ایک بہن کو بھی شامل تفتیش کیا گیا تھا جنہیں بعد ازاں رہا کردیا تھا۔

مزید پڑھیں :  قندیل بلوچ قتل کیس،ملزم وسیم مزید3روزہ ریمانڈ پر پولیس کے حوالے

۔ماڈل قندیل بلوچ قتل کیس میں ملزم وسیم تین روزہ جسمانی ریمانڈ پر جیل میں ہے، ملزم نےغیرت کے نام پر اپنی بہن اور معروف ماڈل قندیل بلوچ کو قتل کرنے کا اعتراف کیا تھا۔

مزید پڑھیں: ماڈل قندیل بلوچ کو قتل کر دیا گیا

واضح رہے معروف ماڈل اور ممتاز شوبز شخصیت قندیل بلوچ کو اُن کے گھر واقع ملتان میں قتل کردیا گیا ،قندیل بلوچ اپنے والدین سے ملنے گھر آئی ہوئیں تھیں کہ رات سوتے ہوئے اُن کے بھائی نے وسیم نے گلا دبا کر قندیل بلوچ کو ہلاک کرکے گاؤں فرار ہو گیا تھا جہاں پولیس نے چھاپہ مار کارروائی میں ملزم کو گرفتار کرلیا تھا۔

Comments

comments

یہ بھی پڑھیں