اپنے رشتے دار حق نواز کے ساتھ مل کر قندیل کو قتل کیا، ملزم وسیم -
The news is by your side.

Advertisement

اپنے رشتے دار حق نواز کے ساتھ مل کر قندیل کو قتل کیا، ملزم وسیم

ملتان : سوشل میڈیا فیم قندیل بلوچ قتل کیس میں مزید انکشافات سامنے آئے ہیں، ملزم وسیم کا کہنا ہے کہ قندیل بلوچ کا قتل اپنے رشتے دارحق نواز کے ساتھ مل کرکیا۔

تفصیلات کے مطابق سوشل میڈیا سیلیبرٹی قندیل بلوچ قتل کیس میں ملزم وسیم نے مزید انکشافات کئے، قندیل کے بھائی ملزم وسیم نے بتایا کہ اپنے رشتے دار حق نواز کے ساتھ مل کر قندیل کو قتل کیا۔

پولیس کی حراست میں دوران تفتیش ملزم وسیم نے انکشاف کیا کہ حق نواز نے ڈی جی خان سے کارکرائے پر حاصل کی، کار ڈرائیور باسط خان کارروائی کے دوران باہر پہرہ دیتا رہا۔

مزید پڑھیں :  قندیل کو قتل کرنے پر کوئی شرمندگی نہیں، بھائی گرفتار،جرم کا اعتراف

پولیس نے قندیل بلوچ کی دو بھابھیوں کو بھی حراست میں لے لیا ہے جبکہ مقتولہ کا موبائل فون تاحال پولیس کو نہیں مل سکا۔

اس سے قبل قندیل بلوچ قتل کیس میں مرکزی ملزم وسیم کے موبائل فون ڈیٹا حاصل کرنے کے بعد پولیس نے انکشاف کیا تھا کہ ملزم وسیم  4 افراد سے رابطے میں تھا، جن میں سے ایک وسیم کا بہنوئی ظفر حسین جسے پولیس نے دو روز قبل گرفتار کیا تھا جبکہ ایک بھائی، چچا اور دوست کے ساتھ مسلسل رابطے میں تھا۔

پولیس کے مطابق ملزم وسیم چاروں افراد کے ساتھ قتل کی وارادات سے قبل مسلسل رابطہ رکھے ہوئے تھا، جس پر پولیس نے ملزم وسیم کے چچا کی گرفتاری کے لیئے ڈی جی خان چھاپہ مارا لیکن کوئی کامیابی نہ مل سکی۔ پولیس کے مطابق ملزم کے دیگر ساتھیوں کو بھی شامل تفتیش کرکے انکی گرفتاری کے لئے چھاپے مارے جا رہے ہیں۔

مزید پڑھیں : ماڈل قندیل بلوچ کو قتل کر دیا گیا

یاد رہے کہ سوشل میڈیا پر اپنی ویڈیوز سے شہرت پانے والی پاکستانی ماڈل قندیل بلوچ کو ملتان میں قتل کردیا گیا تھا، قندیل بلوچ کو ان کے بھائی نے غیرت کے نام پر مبینہ طور پر قتل کیا۔

Comments

comments

یہ بھی پڑھیں