The news is by your side.

Advertisement

قصور ویڈیو اسکینڈل کے متاثرین نے جے آئی ٹی کے بائیکاٹ کی دھمکی دیدی

لاہور: قصور ویڈیو اسکینڈل کے متاثرین نے جے آئی ٹی کے بائیکاٹ کی دھمکی دیدی، متاثرین کے وکیل کا کہنا ہے کہ پولیس ملزمان کو گرفتار کرنے کی بجائے متاثرین کو ڈرا دھمکا رہی ہے، ایس پی انوسٹی گیشن کو معطل کیا جائے۔

قصور میں متاثرین ویڈیو سکینڈل کے وکیل چودھری لطیف سراء نے پریس کانفرنس سے خطاب کرتے ہوئے کہا کہ پیر تک ایس پی انوسٹی گیشن کو معطل اور مظاہرین کے خلاف درج مقدمات ختم نہ کئے گئے تو جے آئی ٹی کا بائیکاٹ کر دینگے۔

ان کا کہنا تھا کہ پولیس ملزمان کو گرفتار کرنے کی بجائے متاثرین حسین خان والا کو ڈرا دھمکا رہی ہے، 14 اگست کے دن پولیس نے چادر اور چاردیواری کا تقدس پامال کیا جبکہ خواتین کے ساتھ بھی بدتمیزی کی گئی۔

انہوں نے جے آئی ٹی کو ادھورا قرار دیتے ہوئے کہا کہ جب تک سائبر کرائم کے اسپیشلسٹ کو شامل نہیں کیا جاتا، اس وقت تک جے آئی ٹی نامکمل ہے۔

Comments

comments

یہ بھی پڑھیں