The news is by your side.

Advertisement

قطرنے سعودی عرب اور یو اے ای سمیت چار ملکوں‌ کی اشیاء پر پابندی لگادی

دوحہ: قطر نے سعودی عرب اور متحدہ عرب امارات سمیت 4 ملکوں کی اشیاء کی درآمد پر پابندی عائد کردی۔

غیر ملکی خبر رساں ادارے کے مطابق قطری حکام کی جانب سے جن ممالک کی اشیاء کی درآمد پابندی لگائی گئی ہے ان میں سعودی عرب، متحدہ عرب امارات، مصر اور بحرین شامل ہیں۔

قطر کی وزارت معاشیات نے دکانداروں کو ہدایات جاری کرتے ہوئے فوری طور پر سعودی عرب، بحرین، مصر اور متحدہ عرب امارات سے برآمد کی گئی اشیاء کو اپنی دکانوں سے ہٹانے کا کہا ہے، وزارت کا کہنا تھا کہ انسپکٹرز دکانوں کا دورہ کریں گے اور احکامات پر عملدرآمد کا جائزہ لیں گے۔

قطری حکام کی جانب سے پابندی کی وجہ نہیں بتائی گئی لیکن یہ کہا گیا ہے کہ ان چاروں ممالک کی اشیاء کو جانچ پڑتال کے عمل سے گزرنا پڑے گا۔

قطری حکومت کی جانب سے سعودی عرب کے ڈیری مصنوعات کو بھی روکنے کی کوشش کی جائے گی جو دیگر ممالک سے سفر کرتے ہوئے قطر آتی ہیں، قطر حکومت کے کمیونی کیشن آفس سے جاری بیان میں کہا گیا ہے کہ وہ صارفین کی حفاظت کرنا چاہتے ہیں۔

بحرین کے وزیر خارجہ شیخ خالد بن احمد الخلیفہ نے کہا ہے کہ سفارتی حوالے سے اس وقت کوئی قرار داد موجود نہیں اور نہ ہی ایسا کوئی معاملہ ہمارے سامنے آیا ہے۔

واضح رہے کہ اشیاء کی پابندی کی زد میں آنے والے چاروں ملکوں نے گزشتہ سال سے قطر سے سفارتی اور سفری تعلقات منقطع کررکھے ہیں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں