خلیجی ملک قطر میں عمارتیں اللہ اور رسول صلی اللہ علیہ وآلہ وسلم کے نام سے جگمگا اُٹھیں۔
گزشتہ دنوں بھارتیہ جنتا پارٹی (بی جے پی) کی رہنما نوپور شرما کی جانب سے گستاخانہ بیان دیا گیا تھا جس پر دنیا بھر کے مسلمانوں اور خلیجی ممالک نے ناصرف مذمت کی بلکہ عمان کے مفتی اعظم نے بھارت کے تجارتی بائیکاٹ کا بھی مطالبہ کیا تھا۔
بعدازاں بھارتی حکمران جماعت کی جانب سے نوپور شرما کی اسمبلی رکنیت کو معطل کردیا گیا جبکہ بھارتی مسلمانوں نے ان کے خلاف کارروائی کا مطالبہ کیا تھا۔
پاکستان نے بھی معاملے پر بھارتی ناظم الامور کو طلب کرتے ہوئے جواب طلب کیا تھا۔
اب قطر میں حضور صلی اللہ علیہ والہ وسلم سے محبت کا اظہار کرتے ہوئے عمارتیں اللہ اور رسول صلی اللہ علیہ والہ وسلم کے ناموں سے جگمگا اٹھی ہیں۔
عمارتوں پر ان عبارت کی ویڈیو سوشل میڈیا پر وائرل ہورہی ہے اور صارفین کی جانب سے کہنا ہے کہ بھارت کو منہ توڑ جواب دیا جارہا ہے۔
