راولپنڈی میں قطر سے اسلام آباد آنے والے خاندان کو ایوب پارک کے قریب پولیس وردیوں میں ملبوس ڈاکوؤں نے لوٹ لیا۔
پولیس کا کہنا ہے ڈاکوؤں نے خواتین سے لاکھوں مالیت کے طلائی زیورات نوچے، ملکی و غیر ملکی لاکھوں مالیت کی کرنسی بھی لوٹ کر فرار ہوگئے۔
متاثرین کا آج قطر سے پاکستان پہنچنے تھے یہاں سے متاثرین کو میرپور آزاد کشمیر جانا تھا، مقامی پولیس تنویر صابر کی اطلاع پر جائے واردات پہنچ کر تحقیقات شروع کردی۔
متاثرہ فیملی کا کہنا ہے کہ پولیس وردیوں میں ملبوس کار سوار ڈاکوؤں نے ناکہ لگا رکھا تھا، ڈاکوؤں نے ہاتھ میں وائرلیس سیٹ بھی تھام رکھے تھے، پولیس وردی میں ملبوس ڈاکوؤں کی تعداد تین تھی اور وہ سندھ نمبر کی سفید کار میں ناکہ لگا کرکھڑے تھے۔
