دوحا: قطری حکام کا کہنا ہے کہ فیفا ورلڈ کپ 2022 دیکھنے کے لیے ھیا کارڈ رکھنے والے افراد اپنے 3 دوستوں کو بھی مدعو کرسکتے ہیں۔
اردو نیوز کے مطابق قطر میں ہونے والے فیفا ورلڈ کپ 2022 کی انتظامیہ نے کہا ہے کہ کوئی بھی شخص جس کے پاس ھیا کارڈ ہے وہ اپنے تین دوستوں کو ورلڈ کپ دیکھنے کے لیے قطر بلا سکتا ہے۔
اس سکیم کا نام ھیا معی 1+3 رکھا گیا ہے اور یہ سہولت ایسے افراد کے لیے ہے جو قطر کے شہری ہوں اور نہ ہی ان کے پاس ھیا کارڈ ہو۔
دوستوں کو کیسے مدعو کیا جائے؟
اس کے لیے پہلی شرط یہ ہے کہ آپ کے پاس ’ھیا‘ کارڈ ہو۔
6 ماہ سے زیادہ کا ویزہ ہو۔
قطر میں قیام گاہ کی تصدیق۔
500 ریال فیس کی ادائیگی۔
اس کے بعد آپ ھیا کی ایپلی کیشن پر جا کر مائی کارڈ کا آپشن لیں اور اس کے بعد جاری کا بٹن دبا دیں۔
اس کے بعد ھیا معی کے آپشن پر جائیں جہاں آپ کے سامنے تین واؤچر کوڈز ظاہر ہوں گے جو 3 ایسے افراد کو بھیجے جا سکتے ہیں جن کے پاس ٹکٹ نہیں ہے۔
ھیا کارڈ کی درخواست کی منظوری کے بعد ان 3 افراد کو بیرون ملک سے قطر میں داخل ہونے کے اجازت نامے پر مبنی ای میل موصول ہوگی۔
خیال رہے کہ ورلڈ کپ دیکھنے کے لیے ھیا کارڈ کا ہونا لازم ہے، اس کے بعد وہ ورلڈ کپ کے دوران مفت ٹرانسپورٹیشن اور دیگر سہولیات سے بھی مستفید ہوسکیں گے۔
