دوحہ: قطر نے وزیٹرز کے لیے ھَیّا کارڈ کی میعاد میں توسیع کا اعلان کر دیا ہے۔
تفصیلات کے مطابق قطر نے فیفا ورلڈ کپ کے شائقین کو ایک اور سہولت دے دی ہے، اب ھَیّا کارڈ رکھنے والے شائقین قطر میں مزید ایک سال تک وزٹ کر سکیں گے کیوں کہ کارڈ کی میعاد 24 جنوری 2024 تک بڑھا دی گئی ہے۔
کارڈ کا اطلاق فیفا ورلڈ کپ کے دوران استعمال ہونے والے ھَیّا کارڈ کی تمام اقسام کے حاملین پر ہوگا۔
وزارت داخلہ نے ایک بیان میں کہا کہ قطر سے باہر موجود ورلڈ کپ شائقین اور منتظمین حیا کارڈ کے ساتھ اب 24 جنوری 2024 تک ملک میں داخل ہو سکتے ہیں۔
The Ministry of Interior announces the validity extension of the Hayya Card for fans and organizers. The cardholders will be allowed to enter the State of Qatar starting today until 24 January 2024 as per the specified conditions. #MOIQatar pic.twitter.com/OvXVS7tYHL
— Ministry of Interior (@MOI_QatarEn) January 30, 2023
قطری وزارت داخلہ کے مطابق کارڈ ہولڈرز کو درج ذیل شرائط کے تحت 24 جنوری 2024 تک قطر میں داخل ہونے کی اجازت ہوگی:
آن لائن ھَیّا پورٹل کے ذریعے منظور شدہ ہوٹل ریزرویشن یا فیملی یا دوستوں کے ساتھ رہائش کا ثبوت، قطر پہنچنے پر کم از کم 3 ماہ کے لیے ویلڈ پاسپورٹ، اور ملک میں قیام کی مدت کے لیے ویلڈ ہیلتھ انشورنس، اور ریٹرن ٹکٹ۔
توسیع کے تحت قطر جانے ھَیّا کارڈ ہولڈرز کو درج ذیل سہولیات حاصل ہوں گی:
’ھَیّا ود می‘ فیچر جو ھَیّا کارڈ ہولڈرز کو خاندان کے 3 افراد یا دوستوں کو مدعو کرنے کی اجازت دیتا ہے، قطر میں ایک سے زیادہ بار داخلے کا اجازت نامہ، ریاستی بندرگاہوں کے ذریعے داخلے اور باہر نکلنے کے لیے ای گیٹ سسٹم کا استعمال، کسی قسم کی فیس درکار نہیں۔