تازہ ترین

اٹلی میں قطر کے شاہی خاندان کے زیورات چوری ہوگئے

وینس : اٹلی میں قطر کے شاہی خاندان کے زیورات چوری ہو گئے، مغلوں اورمہاراجاؤں کے یہ خزانے سولہویں صدی کے تھے۔

تفصیلات کے مطابق اٹلی میں تاریخی چوری وینس کی نمائش میں قطر کے شاہی خاندان کے زیورات چوری ہوگئے، چوری ہونے والے جواہرات کو مغلوں اور مہاراجاؤں کا خزانہ کہا جاتا ہے۔

اس نمائش کے لیے سولہویں اور بیسویں صدی کے بھارتی جواہرات اکٹھے کیے گئے تھے، یہ زیورات قطر کے حکمراں خاندان الثانی کی ملکیت تھے۔

پولیس کےمطابق بدھ کی صبح دوک پیلس میں نمائش میں ایک ڈبے سے زیورات کے کئی حصے چرا لیے گئے ہیں، ان زیورات کی قیمت لاکھوں یورو ہو سکتی ہے لیکن انھیں بلیک مارکیٹ میں فروخت کرنا مشکل کیونکہ یہ خاصی شہرت رکھتے ہیں۔

پولیس کو تشویش ہے کہ زیورات پر جڑے جواہرات کو الگ الگ کر بیچا جا سکتا ہے۔

اطالوی پویس کے مطابق چوری کے وقت نمائش کا سکیورٹی سسٹم صحیح انداز میں کام نہیں کر رہا تھا۔

پولیس نےچوری ہونے والے سامان کی تصاویر لندن میں قطری مالکان کو بھجوا دی ہیں تاکہ وہ اس کی شناخت اور قیمت کے بارے میں بتا سکیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

- Advertisement -