راولپنڈی : سابق چیئرمین نیب کے گودام سے برآمد گاڑیاں قطری سفارتخانے کی نکلیں، قطری سفارتخانے کے ذرائع کے مطابق اکیس نان کسٹم پیڈ گاڑیاں قطری خاندان کی ملکیت ہیں۔
تفصیلات کے مطابق راولپنڈی میں سابق چیئرمین نیب اور نوازشریف کے قریبی ساتھی سیف الرحمان کے گودام پر چھاپہ مار کر کروڑوں روپے کی مالیت کی پچیس گاڑیاں برآمد کیں۔
پچیس میں سے اکیس گاڑیاں قطری سفارتخانے کی نکلیں۔
قطر کے سفارتخانے نے تصدیق کرتے ہوئے بتایا نان کسٹم پیڈ گاڑیاں قطری خاندان کی ملکیت ہیں، گاڑیاں شاہی خاندان کے افراد پاکستان میں دوران شکار استعمال کرتے ہیں۔
سابق چیئرمین نیب کے گودام میں گاڑیاں حکومت پاکستان کی اجازت سے پارک کی گئیں، جن کی فیس باقاعدہ ادا کی جاتی ہے۔
ذرائع کے مطابق قطری سفارتخانے نے گاڑیوں کے استعمال میں قواعد کی خلاف ورزی کی، پچیس کروڑ روپے کی مالیت کی گاڑیاں ضبط کیے جانے کا امکان ہے۔
کسٹمزایکٹ کے تحت سفارتخانے کی گاڑیوں کے غلط استعمال پر کارروائی متوقع ہے۔
ذرائع کے مطابق قطری سفارتخانے کواستثنیٰ کے باعث مقدمہ درج نہیں ہوسکے گا، گاڑیاں کلرسیداں میں ریڈ کوٹیسکٹائل ملزمیں کھڑی کی گئیں تھیں، برآمد گاڑیوں میں وی ایٹ، وی سکس اور ویگو شامل ہیں۔
