کراچی : امریکی قونصل جنرل گریس شیلٹن کا کہنا ہے کہ قائد اعظم محمد علی جناح کا پیغام ہم سب کے لیے مشعل راہ ہے۔
تفصیلات کے مطابق امریکی قونصل جنرل گریس شیلٹن نے آج صبح مزار قائد پر حاضری دی اور مزار قائد پر پھول چڑھائے۔اس موقع پر امریکی قونصل جنرل نے کہا کہ امریکہ قائداعظم محمد علی جناح کےجمہوری مستحکم،ترقی یافتہ پاکستان کےتصورکی حمایت کرتاہے۔
اس موقع پر امریکی قونصل جنرل نے مہمانوں کی کتاب میں اپنے تاثرات درج کیے اور کہا کہ قائداعظم محمدعلی جناح برصغیر کے بڑے رہنما تھے ان کا فلسفہ ہم سب کے لیے مشعل راہ ہے۔
امریکی قونصل جنرل گریس شیلٹن نے مزارقائد سے متصل عجائب گھر کا بھی دورہ کیا اور قائداعظم سے متعلق رکھے گئےنوادرات میں بھرپوردلچسپی لی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں