غازی آباد : بھارت میں ایک شخص نے اپنی بیوی سے جھگڑے کے بعد ایسا اقدام اٹھایا کہ دیکھنے والے خوف سے کانپ اٹھے، سوشل میڈیا پر ویڈیو نے ہلچل مچادی۔
بھارت کے ضلع غازی آباد کے شہراکرام نگر میں ایک ایسا واقعہ پیش آیا جسے دیکھ کر اہل محلہ کے ہوش اڑ گئے، سوشل میڈیا صارفین بھی حیرت زدہ رہ گئے۔
ایک شخص نے بیوی سے جھگڑوں سے تنگ آکر اپنی زندگی کا خاتمہ کرنے کیلئے فلیٹ کی بالکونی سے لٹک گیا جس کے بعد اہل خانہ اور پڑوسیوں نے اسے بروقت مرنے سے بچا لیا۔
اس شخص کی بیوی نے جیسے ہی اسے بالکونی سے لٹکتے ہوئے دیکھا پولیس کو بلایا۔ اس کے اہل خانہ اور دیکھنے والے پہلی منزل پر جمع ہوئے اور آدمی کو کھینچنے میں کامیاب ہوگئے۔
جو ویڈیو بڑے پیمانے پر گردش کر رہی ہے اس میں ایک شخص کو دو منزلہ عمارت کی پہلی منزل کی بالکونی سے لٹکتے ہوئے دکھایا گیا ہے، کچھ لوگ (اس کے خاندان کے افراد) اس کا ہاتھ پکڑ کر اسے اوپر کھینچنے کی کوشش کرتے ہوئے نظر آرہے ہیں۔
سوشل میڈیا پر صارفین نے اس ویڈیو پر مختلف ردعمل کا اظہار کیا، ایک صارف نے کہا کہ اوپر آنے کے بعد اس کی کٹائی ہوئی ہوگی؟ ایک اور صارف نے کہا کہ کبھی شادی نہ کریں، تیسرے نے کہا کہ آپ ایسی خبریں یوپی سے ہی کیوں سننے کو کیوں ملتی ہیں؟
