لندن : ملکہ برطانیہ نے کورونا وائرس کو شکست دے دی ہے، ملکہ الزبتھ دوئم نے کورونا وائرس سے صحتیاب ہونے کے بعد سوشل میڈیا پر اپنا پہلا پیغام شیئر کیا ہے۔
ملکہ برطانیہ کی کورونا وائرس سے صحتیابی کے بعد بکنگھم پیلس نے اپنے آفیشل سوشل میڈیا اکاؤنٹس پر سینٹ ڈیوڈ ڈے کے موقع پر ملکہ کی جانب سے خصوصی پیغام جاری کیا ہے۔
Wishing all our followers celebrating in Wales and around the world a happy #StDavidsDay 🏴#DyddGwylDewi pic.twitter.com/LBGivct5kH
— The Royal Family (@RoyalFamily) March 1, 2022
ملکہ الزبتھ کی جانب سے جاری کیے گئے پیغام میں کہا گیا ہے کہ ہمارے تمام فالوورز جو ویلز اور پوری دنیا میں جشن منا رہے ہیں اُنہیں سینٹ ڈیوڈز ڈے مبارک ہو۔
خیال رہے کہ برطانوی اخبار ڈیلی میل نے ملکہ کی جانب سے یہ پیغام جاری کیے جانے سے قبل خبر دی تھی کہ ملکہ برطانیہ کورونا وائرس سے صحتیاب ہوگئی ہیں۔
ڈیلی میل نے انکشاف کیا تھا کہ 95 سالہ ملکہ برطانیہ جوکہ 20 فروری کو کورونا کا شکار ہوئی تھیں، اُنہوں نے گزشتہ روز فروگمور کا دورہ کیا اور شہزادہ ولیم، کیٹ مڈلٹن اور ان کے بچوں کے علاوہ شہزادی بیٹریس اور ان کی بیٹی کے ساتھ خوشگوار وقت گزارا۔
