کوئٹہ : صوبائی دارلحکومت کوئٹہ میں پکنک پوائنٹ سے 10 افراد کو اغوا کرلیا گیا ، مغویوں میں ایک کسٹم اہلکار سمیت پنجاب کےرہائشی افرادشامل ہیں۔
تفصیلات کے مطابق بلوچستان کے دارلحکومت کوئٹہ کے زرغون غر میں شعبان کے پکنک پوائنٹ سے 10 افراد کو اغوا کرلیا گیا۔
ڈی جی لیویز نے بتایا کہ مسلح افراد پکنک منانے والے 16افراد کو ساتھ لے گئے تھے تاہم شناختی کارڈ چیک کرنے کے بعد 6 افراد کو چھوڑ دیا۔
ڈی جی لیویز کا کہنا ہے کہ مغویوں میں ایک کسٹم اہلکارسمیت پنجاب کےرہائشی افرادشامل ہیں۔
یاد رہے رواں سال اپریل میں نوشکی میں نامعلوم افراد نے مسافر بس سے پنجاب کے 9 مزدوروں کو اغوا کرنے کے بعد قتل کر دیا تھا۔
حملہ آوروں نے پہلے مسافر بس میں شناختی کارڈ چیک کئے اور پنجاب سے تعلق رکھنے والے 9 افراد کو ساتھ لے گئے، بعد ازاں قریبی پہاڑوں میں لے جا کر گولیاں مار دیں تھیں۔
