site
stats
اہم ترین

سانحہ کوئٹہ میں پیش رفت کے بعد کچھ گرفتاریاں بھی ہوئی ہیں،چوہدری نثار

اسلام آباد: وفاقی وزیرداخلہ چودھری نثار علی خان نے کہا ہے کہ سانحہ کوئٹہ کے ذمہ داران کے کچھ سراغ ملے ہیں اور پیش رفت کے بعد کچھ گرفتاریاں بھی ہوئی ہیں تاہم ابھی کوئی اعلان نہیں کر سکتا.

تفصیلات کے مطابق قومی اسمبلی میں وزیرداخلہ چوہدری نثار کا کہنا تھا کہ سانحہ کوئٹہ میں جائے وقوعہ سے ملنے والی انگلیوں کے نشانات کی تصدیق اسی دن ہو گئی تھی،انگلیاں پشین کے رہائشی کی تھیں.

انہوں نے مزید کہا کہ جائے حادثہ سے جو سر کا ایک حصہ ملا وہ اتنا مسخ تھا کہ ڈی این اے نہیں ہو سکتا تھا.

ا س کے علاوہ جائے وقوعہ سے ملنے والے تصویروں سے بھی ملزم کی شناخت نہیں ہو سکی تاہم روزانہ کی بنیاد پر معاملے کی مانیٹرنگ کی جا رہی ہے اور روزانہ کی بنیاد پر آگے بڑھ رہے ہیں.

چودھری نثار نے مزید کہا کہ سانحہ کوئٹہ میں انٹیلی جنس ایجنسوں کی بدولت کافی پیش رفت ہوئی.

*اسلام آباد سےامریکی شہری گرفتار

وزیر داخلہ نے نیشنل ایکشن پلان کے حوالے سے کہا کہ جلد تمام وزرائے اعلیٰ کو بلایا جائے گا.نیشنل ایکشن پلان کے 20نکات میں سے 9صوبوں سے متعلق ہیں،نیشنل ایکشن پلان پر بننے والی کمیٹی انتظامی ہے.

چودھری نثارعلی خان نے کہا کہ امریکی شہری میتھیو کو چوبیس گھنٹے کے اندر ویزا جاری کرنے کی تحقیقات جاری ہیں،میتھیو کے معاملے پر جے آئی ٹی تشکیل دے دی ہے،سکیورٹی اداروں نے میتھیو کو ممنوعہ علاقے میں گھومتے ہوئے گرفتار کیا.

واضح رہے کہ رواں ماہ اسلام آباد کے ایک گیسٹ ہاؤس سے امریکی شہری میتھیو کو حراست میں لے لیا گیا تھا.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top