کوئٹہ: پنجاب سے بلوچستان مرغی کی سپلائی معطل ہونے کے بعد مرغی کی قیمتوں کو پر لگ گئے۔
مرغی کی سپلائی بند ہونے سے کوئٹہ میں مرغی کی قیمتوں کو پر لگ گئے اور شہر میں مرغی کی فی کلو گوشت کی قیمت 120 روپے سے 180 روپے تک کا اضافہ ہوا ہے۔
ذرائع کا کہنا ہے کہ کوئٹہ میں مرغی کے گوشت کی قیمت میں بڑے اضافے کے بعد مرغی کی قیمت 400 سے 680 روپے تک فی کلو میں فروخت کی جارہی ہے۔
- Advertisement -
واضح رہے کہ پنجاب سے دیگر صوبوں میں مرغی لے جانے پر پابندی سے کوئٹہ اور پشاور میں مرغی کی شدید قلت پیدا ہوگئی ہے۔
کوئٹہ کی پولٹری فارم ایسوسی ایشن کا کہنا ہے کہ بلوچستان حکومت پنجاب سے مرغی کی سپلائی یقینی بنائے، اگر سپلائی بحال نہیں ہوئی تو مرغی دستیاب نہیں ہوگی۔
