The news is by your side.

Advertisement

کوئٹہ : سی ٹی ڈی سے مقابلے کے بعد 7 دہشت گرد ہلاک

کوئٹہ : بلوچستان کے ضلع لورا لائی میں سی ٹی ڈی کی کارروائی میں سات مبینہ دہشت گرد مارے گئے ہیں۔

سی ٹی ڈی ترجمان کے مطابق کوہار ڈیم لورا لائی کے علاقے میں سی ٹی ڈی کا دہشت گردوں سے مقابلہ ہوا، مقابلے میں سات دہشت گرد مارے گئے، ہلاک دہشت گردوں کاتعلق کالعدم تنظیم سے تھا۔

ترجمان سی ٹی ڈی نے بتایا کہ دہشتگردوں کے زیراستعمال کمپاؤنڈ سےاسلحہ وگولہ بارود بھی برآمد ہوا ہے، علاقے میں مزید مشتبہ افراد کے شبے میں سرچ آپریشن جاری ہے تمام داخلی اور خارجی راستے مکمل طور پر بند ہیں۔

رواں ماہ میں سی ٹی ڈی کی بلوچستان میں یہ دوسری بڑی کارروائی ہے، اس سے قبل دس اگست کومغربی بائی پاس پر سی ٹی ڈی کی کارروائی میں 5 مبینہ دہشت گرد ہلاک ہوئے تھے، دہشت گردوں کے زیراستعمال کمپاؤنڈ سے اسلحہ وگولہ بارودبرآمد کیا گیا تھا۔

یاد رہے کہ آٹھ اگست کو صوبہ بلوچستان کے دارالحکومت کوئٹہ کے سرینا چوک پرہونے والے دھماکے کے نتیجے میں دو پولیس اہلکار شہید اور اٹھارہ افراد زخمی ہوئے تھے۔

Comments

یہ بھی پڑھیں