کوئٹہ الیکٹرک سپلائی کارپوریشن (کیسکو) نے بلوں کی ادائیگی نہ کرنے والے اداروں اور صارفین کی فہرست جاری کردی جس کے مطابق نادہندگان پر577 ارب روپے واجب الادا ہیں۔
اس حوالے سے ترجمان کیسکو کا کہنا ہے کہ کیسکو کے نادہندہ صارفین کے ذمہ بقایاجات577ارب تک پہنچ گئے صرف بلوچستان حکومت کے ذمہ 30ارب روپے واجب الادا ہیں۔
ترجمان کے مطابق زرعی صارفین کےذمہ448 ارب روپے کے بقایاجات ہیں، زرعی سبسڈی کی مد میں صوبائی حکومت کے ذمہ تقریباً44ارب واجب الادا ہیں اور گھریلو، نجی، کمرشل اور صنعتی صارفین کے ذمہ28ارب روپے کے بقایاجات ہیں۔
اس کے علاوہ وفاقی حکومت کے ذیلی محکموں کے ذمہ2 ارب روپے کے بقایا جات ہیں، صوبائی محکموں کی جانب سے دسمبر کے بجلی بل جمع کرنے کی شرح42فیصد رہی، وفاقی حکومت کے ذیلی محکموں کی طرف سے بل جمع کرنے کی شرح85فیصد رہی۔
ترجمان کیسکو کا کہنا ہے کہ گھریلو صارفین کی جانب سے بجلی بل جمع کرنے کی شرح60فیصد، اور کمرشل صارفین نے90فیصد ادائیگی کی جبکہ انڈسٹریل93فیصد اور زرعی صارفین کی جانب سے بل جمع کرانے کی شرح4.6فیصد رہی۔
ترجمان کیسکو کے مطابق پبلک ہیلتھ انجینئرنگ کے ذمہ14ارب70کروڑ روپے، محکمہ تعلیم کے ذمہ ارب53کروڑروپے واجب الادا اور بلوچستان پولیس پر تقریباً ایک ارب روپے کے بقایاجات ہیں۔
